26 чэрвеня — Міжнародны дзень барацьбы са злоўжываннем наркатычнымі сродкамі і іх незаконным абаротам

26 чэрвеня адзначаецца Міжнародны дзень барацьбы са злоўжываннем наркатычнымі сродкамі і іх незаконным абаротам.

7 снежня 1987 года Генеральная Асамблея прыняла рэзалюцыю 42/112, у якой пастанавіла адзначаць 26 чэрвеня як Міжнародны дзень барацьбы са злоўжываннем наркатычнымі сродкамі і іх незаконным абаротам у знак выказвання сваёй рашучасці ўзмацняць дзейнасць і супрацоўніцтва для дасягнення мэты стварэння міжнароднага грамадства, свабоднага ад наркаманіі. У гэтай рэзалюцыі прапануюцца далейшыя меры на аснове Міжнароднай канферэнцыі па барацьбе са злоўжываннем наркатычнымі сродкамі і іх незаконным абаротам 1987 года.

Наркотыкі — крыніца велізарных чалавечых пакут. Найбольш уразлівыя пласты насельніцтва, асабліва моладзь, нясуць на сабе асноўны цяжар гэтага крызісу. Людзі, якія ўжываюць наркотыкі, і тыя, хто змагаецца з залежнасцю, сутыкаюцца з мноствам праблем: шкоднае ўздзеянне саміх наркотыкаў, стыгма і дыскрымінацыя, якім яны падвяргаюцца, а таксама часта жорсткая і неэфектыўная рэакцыя на іх становішча.

Што датычыцца ранкаў незаконных наркотыкаў — яны заўсёды прыстасоўваліся да змен, а арганізаваная злачыннасць заўсёды імкнулася выкарыстоўваць прабелы ў сістэме кіравання і рэгуляванні. Групоўкі, якія займаюцца незаконным абаротам наркотыкаў, шукаюць тэхналагічныя інавацыі, каб ахапіць новыя аўдыторыі і забяспечыць усё больш шырокае распаўсюджванне наркотыкаў сярод спажыўцоў, што садзейнічае росту іх бізнесу, абарот якога вылічаецца мільярдамі долараў.

У адказ на гэтыя выклікі міжнародная супольнасць, мясцовыя і нацыянальныя органы ўлады, грамадзянская супольнасць і шырокая грамадскасць сумесна распрацоўваюць інавацыйныя меры па скарачэнні попыту на незаконныя наркотыкі і іх прапановы і, такім чынам, зніжаюць звязаныя з імі пагрозы.

Праблема наркотыкаў — гэта глабальны выклік, які закранае мільёны людзей па ўсім свеце. Па дадзеных Сусветнага дакладу аб наркотыках, у свеце каля 316 мільёнаў чалавек ужываюць наркотыкі.

Гэтая праблема не павінна пакідаць раўнадушным ні аднаго чалавека на Зямлі.

Толькі дзякуючы сумесным намаганням можна дабіцца станоўчых вынікаў у рашэнні глабальнай праблемы нашых дзён — наркаманіі